螢幕截圖 2018-11-13 下午3.04.39

【向頹飯說不】觀塘日式速食店弁慶家 45蚊品嚐正宗叉燒丼

走到觀塘工廠區,新興食店林立,鋸扒、珍珠奶茶、西班牙菜,應有盡有。但您又知唔知道,有一班對食材富有執着嘅八十後「自己開檔」,開設了一間外送日式速食店-弁慶家!

美味丼飯,源於日本松屋

弁慶家對食材要求十分之高,哪怕只是一粒牛油果從採購,處理,到烹調都有嚴謹規格。也許在您眼中一個數十元的日式丼飯何須花費這麼多心血,但偏偏三位創辦人對美食就是有著一份執着,定要令客人以合理價格,品嚐到具質素的美食才安心!被問到為何要開辦弁慶家,原來創辦人之一Rick 早年於日本留學,十分喜愛日本著名速食店『松屋』。回到香港後,發現價錢好影響食物質素,好味嘅嘢食就一定畀高昂嘅價錢捆綁著。「弁慶家就想以一個合理價錢畀到令人回味嘅美食。然後我就醒起日本『松屋』都可以一個合理價格,打造水準一流嘅日本速食,香港又做唔做到呢?」Rick不斷觀察、研究「松屋」營運方式,與拍擋不斷試驗,試煮各款日式速食。前前後後數月,終發現可以以合理價格打造各款水準一流嘅日式丼飯,弁慶家就正式誕生!

牛油果南蠻雞丼 $50

 

鎮店之丼-日式慢煮叉燒丼!

要數到弁慶家招牌菜,Pauline 就話一定係慢煮叉燒丼!「日式叉燒喺香港人心目中大多只會聯想到叉燒拉麵,其實喺日本當地,日本人食拉麵都會多叫一碗 mini 叉燒丼。而mini 叉燒丼做法亦十分特別,會伴上BB沙律醬,味道異常配搭!相反香港就比較少有!所以我哋將叉燒丼引入香港,份量由mini丼轉為正餐,畀您喺日式叉燒拉麵外多一個『叉燒選擇』!」弁慶家日式慢煮叉燒丼用上長達二十四小時慢煮日式叉燒,再將其起粒燒香,配上香噴噴珍珠米飯及BB沙律醬,將日式風味完完整整呈獻至您眼前!

日式溫泉蛋慢煮叉燒丼 HKD45

 

「用心煮、良心賣、開心送!」

弁慶家現時主力以外送形式服務觀塘食客,一接到新訂單,主廚立刻用心炮製日本美食,送到您辦公室門口,Greg:「開辦弁慶家其中一個原因就係見到香港人長缺乏有質素嘅午餐時間。試諗吓,一放午飯,就用上五至十分鐘搭升降機,再花五分鐘等紅綠燈,又再行五至十分鐘到餐廳,最後再花時間排隊,足足有長達半小時Lunch Hour 白白浪費!」

加入PLUM後,弁慶家能夠接觸到觀塘區以外的食客,Greg:「其實一直以來我哋有好多朋友問其他區幾時先有弁慶家,但礙於人手和交通安排,弁慶家服務範圍暫時只限於觀塘區。但同Plum 合作後,就算客人身在中環、九龍灣或者荔枝角,都不再是問題!」

吉列厚豚雜菜咖喱飯 $52

 

Share this post

en_USEnglish
zh_HKChinese en_USEnglish