mohinga

神秘國度之美食-緬甸招牌湯米線

Agnes 是中緬混血兒,但在香港土身土長,她娓娓道出開店的初衷,「細個媽媽經常煮緬甸菜,自己好鍾意食。但發覺香港冇地方賣緬甸魚湯米,所以一直都好想開餐廳俾香港人試下。舊年終於夢想成真開左間細鋪,專賣魚湯米。」即使店面只有70呎,兩張桌子,坐四個人,但在緬甸被稱為「國麵」的魚湯米線仍然吸引到各區的饕客慕名而来,更有很多回頭客。「魚湯供應有限,一日最多都係整到一桶,變咗好多人排隊都食唔到。」為使大眾不用排隊也能嘗鮮,四個月後 Agnes 決定搬鋪,於是便有了現在位於何文田窩打老道的新店。

意外地,她發現區內的緬甸華僑比例原來非常高,「香港人鍾意食米線,但緬甸華僑嚟我一定會俾番正宗幼河粉,佢哋好開心可以食到家鄉嘅味道。」同鄉的支持使她更堅決的在這條緬甸美食道路發展下去,更特意回家鄉學藝,目標是把更多地道的緬甸菜式呈獻給客人,「舊年暑假我專登番緬甸搵我阿姨拜師,深入了解緬甸文化,仲買咗好多?料番香港。」

 

三星期的學藝之旅,不但令她廚藝更上一層樓,也令她學會了採購食材,「阿姨會帶我去當地人去嘅市場,環境比較差,交通比較亂,但係嗰D地方先可以買到好嘢!」為了令客人吃到最地道的緬甸菜,很多貨都是 Agnes 由當地寄回香港,確保原汁原味,「我開鋪初期空運幼河粉番嚟,一公斤就要七蚊美金。緬甸嘅香蕉樹心好靚,但好重,所以而家只能靠Agent去訂。」

說到緬甸人的口味,「緬甸人食嘢偏濃味,偏杰偏甜,鍾意食各種豆。有D香港人嚟到會問魚湯點解係黃色嘅,喺咪咖喱呀,魚湯點解會咁杰嘅。哈哈,其實係因為我哋用碗豆、黃豆粉、同黃薑去煮。」不講不知道,原來魚湯米線是緬甸人每日不可缺少的一道菜,「佢哋食完個面,一定會飲埋個湯。入面有魚同雞,每日嘅營養都係晒度。早、午、晚三餐佢哋都會食。」除了招牌菜,Agnes 也會不斷研發新菜式。冬季即將來臨,Agnes 打算用營養豐富的黃薑幫客人暖暖胃,「來緊冬天會出黃薑雞煲,可以預寒,增強免疫力。其實緬甸就唔會好凍嘅,但係我哋都會因應番香港季節,用緬甸嘅食材同香料,做適合香港嘅緬甸菜!」

說到家庭,作為兩兒之母,丈夫分工和仔女的支持也是 Agnes 努力的最大動力,「小朋友都會主動落嚟鋪頭搵我,我一有空檔就會陪佢哋做功課,其實見面嘅時間仲多咗,如果番office工,反而冇可能做到。」許多職業女性很難家庭事業兩兼顧,需要在兩者中作出取捨,但創業開餐廳令 Agnes 和家人更緊密,也建立了更好的親子關係。

 

為了令更多人認識緬甸菜,餐廳也加入了 PLUM 平台拓展客源,「我間餐廳地點係固定嘅,都有好多人住好遠但想食我嘅緬甸菜。當佢哋要番工或者冇時間過嚟,你哋就幫到好大忙啦!甘短時間內可以滿足到好遠嘅客人,我唔使開分店就可以令我嘅食物伸延去其它區。」

在 Agnes 身上可以感受到濃厚的成就感,能堅持夢想,並同時把家庭照料得整整有條,確是難能可貴。

 

Share this post

en_USEnglish
zh_HKChinese en_USEnglish